الخميس، 18 سبتمبر 2008

بدي ارجع بنت صغيرة



طيري ياطيارة طيري..ياورق وخيطان
بدي ارجع بنت صغيرة..عـ سطح الجيران
وينساني الزمان
على سطح الجيران
....
بحب اوي اسمع الاغنية دي لفيروز
لما اكون لوحدي
واغمض عيني واسرح
وافتكر،،
ايام زمان
كنت دايما احلم امتى اكبر
امتى يبقى عندي موبايل خاص بيا
امتى ألبس كعب عالي وشنطة
امتى اعرف اخرج لوحدي مع صحابي
من غير ما بابا يقولي لا
وامتى اعمل بطاقة شخصية
وافرح واقول انا كبرت
حلمت كتير اني اكبر
...
وكبرت
وكبرت معايا همومي
وشيلت المسئولية
بقيت مسئولة عن نفسي
بقيت انا اللي بصدر القرار في اي حاجة تخصني
ولازم قراري ده يبقى صح
لاني هتحمل مسئوليته لو غلط
ماهو يااما اكسب حاجة يااما اخسر مليون حاجة
بقيت بفكر ألف مرة قبل مااخد اي خطوة
عشان لو فرضا مكسبتش،،
احاول مخسرش
...
كبرت
وكبر معايا خوفي من بكرة
وبقيت دايما اسأل نفسي،،
ياترى مخبيلي ايه
ياترى هيجي ومعاه احلامي اللي نفسي احققها
ولا جاي ياخد مني حاجة
هيبقى صعب عليا اخسرها
وبقيت بحاول محلمش
عشان لو فرضا مكسبتش،،
احاول مخسرش
...
كبرت
وصغرت احلامي
ماعدا حلم واحد بس
"اني ارجع بنت صغيرة"

السبت، 13 سبتمبر 2008

حضــــن ودفــــــــــا


لما زاد فيا الحنين
ساقني شوقي ليك
روحت لحدك،،
قولت واحشني
ورديت:اخيرا..
..كأنك مستنيها لجل تفرح
حسيت بدفا الفرحة في صوتك
دفيت رغم بردي..
استنيتها منك..
ولجل انك حاسسني؛قولتها
بحبك اوي..
حسيتها منك ماسمعتها..
وتاني وتالت رددتها
اكدتها
؛لجل ماافرح نفس فرحك
لجل مايموت فيا وجعي بأن جرحك
لسة صاحي..
لساه شاهد عليّ كان..
من زمان...
من كلام قولتهولك وقت زعلي
مفكراك راح تزعل شوية بس تنسى..؛
لجل ماانسى...
يرجع فينا الحب تاني
يقول مكاني

قلبـــــــــ ين،،
اتعاهدوا يتلاقوا
اول مايشتاقوا

يفضل فيهم قلب نابض

ويد قابض...
على ذكرى حلوة.
لــ فرحة حلوة
سوا بيفرحوهــــا
وذكرى تانية
لـ ضحكة تانية
سوا بيضحكوهــا
وذكرى تالتة
لــــ دمعة صعبة سوا..
بتجري منهم بالالـــوف
لــجل خوف من بكرة ييجي...
وهما مش متجمعين..
متفرقين..
وفــ قصة حب تايهين
مستنيين....
حضـــــن ودفـــــــــا

.....